तत्कालीन मेयर - उपमेयरसहित सात जनाविरुद्ध भ्रष्टाचार मुद्दा दायर

काठमाडौं १० असोज । सिरहाको गोलबजार नगरपालिकामा हाटबजारको राजस्व छुट दिएको असुली गर्नुपर्ने रकम असुली नगरेको आरोपमा अख्तियार दुरुपयोग अनुसन्धान आयोगले सात जनाविरुद्ध मंगलबार विशेष अदालत, काठमाडौंमा आरोपपत्र दायर गरेको छ । 

आ.व. २०७७/०७८ र २०७८/०७९ मा पशु हाटबजार र गुदरी हाटबजार सन्चालन सम्बन्धी राजस्व सङ्कलनमा अनियमितता भएको अनुसन्धान गर्दा १ करोड ६० लाख ४६ हजार ३४४ रुपैयाँ १० पैसा सार्वजनिक सम्पत्तिमा हानिनोक्सानी भएको आयोगको दाबी छ ।

आयोगले तत्कालीन मेयर देवनाथ साहु तेली , उपमेयर रेशम कुमारी थापालगायतका पदाधिकारी तथा कर्मचारीहरुविरुद्ध आरोप पत्र दायर भएको जनाएको छ ।