दक्षिण कोरियाका राष्ट्रपति योललाई लागेको महाभियोग अदालतबाट अनुमोदन

दक्षिण कोरियाका राष्ट्रपति युन सुक योललाई महाभियोग लागेको छ । दक्षिण कोरियाको संबैधानिक अदालतले सर्वसम्मतिले महाअभियोग लगाउने निर्णय गरेको छ । महाभियोग लागेपछि योल राष्ट्रपति पदबाट तुरुन्तै हटाइएको छ । उनको ठाउँमा तुरुन्तै चुनाव गर्न देशसँग अब ६० दिनको समय रहेको छ ।

योलले मार्शल ल लागू गर्ने निर्णयले जनताको आधारभूत राजनीतिक अधिकारलाई क्षति पुर्‍याएको भन्दै न्यायाधीशहरुले कानूनको शासन र लोकतन्त्रको सिद्धान्तहरूको उल्लङ्घन गरेको आफ्नो आदेशमा भनेका छन् । न्यायाधीशहरुले आफ्नो आदेशमा राष्ट्रपति येओलले आफ्नो कर्तव्य पालना नगरेको बताएका छन् ।

संवैधानिक अदालतका कार्यवाहक अध्यक्ष न्यायाधीश मुन ह्युङ-बेले राष्ट्रिय आपतकालीन अवस्था नै नरहेको बताएका छन् । गत वर्ष डिसेम्बरमा योलले देशमा मार्शल ल लगाउने घोषणा गरेपछि विवाद उत्पन्न भएपछि महाभियोग लगाउने प्रस्स्ताव संसदमा पारित भएपछि संबैधानिक अदालतमा पुगेको थियो ।