अब बैंकमा ५० लाखमाथि निक्षेप राख्दा प्यान अनिवार्य चाहिने, हेर्नुहोस राष्ट्र बैङ्कको निर्देशन

अब नेपालमा बैंक तथा वित्तीय संस्थामा ५० लाख रुपैयाँभन्दा बढी निक्षेप राख्दा स्थायी लेखा नम्बर (प्यान) चाहिने भएको छ।  नेपाल राष्ट्र बैंकले बिहीबार निर्देशन जारी गर्दै ५० लाख रुपैयाँभन्दा माथिको मुद्दती निक्षेपमा प्यान अनिवार्य गरेको हो।  

बिहीबार एकीकृत निर्देशन २०७९ संशोधन गर्दै केन्द्रीय बैंकले इजाजत प्राप्त बैंक तथा वित्तीय संस्थाले कुनै प्राकृतिक व्यक्तिको ५० लाख रुपैयाँभन्दा बढी मुद्दती निक्षेप स्वीकार गर्दा निक्षेपकर्ताको स्थायी लेखा नम्बर अनिवार्य लिनुपर्ने व्यवस्था गरेकाे हाे। अहिलेसम्म बैंकमा निक्षेपकर्ताले जति निक्षेप राख्दा पनि प्यान अनिवार्य थिएन।