आज बढ्यो सुनचाँदीको मूल्य, कतिमा हुँदैछ कारोवार?

आज सुनचाँदीको मूल्य ह्वात्तै बढेको छ। बुधबारको तुलनामा बिहीबार सुनमा २८ सय र चाँदीमा ५५ रुपैयाँ बढेको नेपाल सुनचाँदी व्यवसायी महासंघले जनाएको छ। महासंघका अनुसार बिहीबार छापावाल सुनको तोलाको १ लाख १८ हजार ८ सय रुपैयाँ कायम भएको छ।

बुधबार छापावाल सुन तोलाको १ लाख १६ हजार रुपैयाँमा कारोबार भएको थियो। तेजाबी सुनको मूल्य पनि हिजो भन्दा बढेर तोलाको १ लाख १८ हजार २५० रुपैयाँमा कारोबार भइरहेको छ।

बुधबार तोलाको १ हजार ४ सय रुपैयाँमा कारोबार भएको चाँदी बिहीबार १ हजार ४५५ रुपैयाँमा कारोबार भइरहेको महासंघले जनाएको छ।