काठमाडौंबाट करिब २५ करोड बराबरको विदेशी मुद्रा बरामद

प्रहरीले काठमाडौंबाट करिब २५ करोड बराबरको विदेशी मुद्रा बरामद गरेको छ। काठमाडौं उपत्यका अपराध अनुसन्धान कार्यालयको टोलीले एउटा गाडी र मानिससहित २५ करोड बराबरको रकम बरामद गरेको स्रोतले बतायो।

युरो र अमेरिकी डलर बरामद भएको स्रोतले जनाएको छ। प्रहरीले यसबारे विस्तृत विवरण सार्वजनिक गरिसकेको छैन। ‘युरो र अमेरिकी डलर बरामद भएको हो। नेपालीमा कन्भर्ट गर्दा २५ करोड हुन्छ,’ स्रोतले भन्यो, ‘यसबारे सार्वजनिक गर्ने तयारी भइरहेको छ।’

‘रकम गन्ने काम हुँदैछ, अनुमानित रकममात्रै सार्वजनिक गरिएको हो’, उनले बताए । यसबारे जानकारी दिन अपराह्न १ः३० मा पत्रकार सम्मेलनको आयोजना गरिएको उनले बताए ।

रकमका साथ केही मानिस पक्राउ परेको र उनीहरुमाथि अनुसन्धान भइरहेको प्रवक्ता आचार्यले बताए । ‘कसले पठाएको, कहाँ लगेको र किन लगेको भन्ने कुरा अनुसन्धानपछि मात्रै भन्न सकिन्छ’, उनले भने ।