पटक-पटक स्थगनपछि त्रिचन्द्र क्याम्पसमा आज निर्वाचन हुँदै

त्रिचन्द्र क्याम्पसमा स्वतन्त्र विद्यार्थी युनियन (स्ववियू) को चुनाव आज हुँदैछ । यसअघि पटक पटक स्थगित भएको चुनाव आज हुन लागेको हो । मतदान विहान ८ बजेबाट सुरु हुने बताइएको छ ।

यहाँ नेविसंघका सभापतिमा गोविन्द कोइराला र अनेरास्ववियुबाट प्रमित विष्ट छन् । त्यस्तै सचिवमा नेविसंघबाट आशिष गिरी र अनेरास्ववियुबाट सुमन पुलामी प्रतिस्पर्धामा छन् । कोषाध्यक्षमा नेविसंघबाट दुषयन्त गौतम र अनेरास्ववियुबाट सुवास विडारी रहेका छन् । यसअघि २ पटक निर्वाचन मिति तोकेर पनि असन्तुष्ट पक्षका विद्यार्थी नेताहरुको तालाबन्दीका कारण स्थगित भएको थियो ।