सुनको मूल्य तोलामा ८०० रुपैयाँ घट्यो

स्थानीय बजारमा सुनको मूल्य प्रतितोला ८०० रुपैयाँ घटेर कारोबार भएको छ । नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला एक लाख ११ हजार रुपैयाँमा कारोबार भएको छ ।

मंगलबार सुन प्रतितोला एक लाख ११ हजार ८०० रुपैयाँमा कारोबार भएको थियो । त्यस्तै, तेजाबी सुन प्रतितोला एक लाख १० हजार ४५० रुपैयाँमा कारोबार भएको छ ।

चाँदी प्रतितोला एक हजार ३८५ रुपैयाँमा कारोबार भएको छ । चाँदी मंगलबारको तुलनामा प्रतितोला १५ रुपैयाँ घटेर कारोबार भएको हो । मंगलबार चाँदी प्रतितोला एक हजार ४०० रुपैयाँमा कारोबार भएको थियो ।