नक्कली शैक्षिक प्रमाणपत्र पेश गरि जागिर खाएको आरोपमा प्रहरीका नेपाल प्रहरीका असइ कुमार गिरीविरुद्ध मुद्दा दायर

जिल्ला प्रहरी कार्यालय, सिन्धुली सञ्चार शाखामा कार्यरत प्रहरी सहायक निरीक्षक (असइ) श्यामकुमार गिरी भनिने कुमार गिरीविरुद्ध अख्तियार दुरुपयोग अनुसन्धान आयोगले मुद्दा दायर गरेको छ। सेवा प्रवेश गर्दा पेस गरेको एसएलसी तहको शैक्षिक योग्यताको प्रमाणपत्र नक्कली  भएको पुष्टि भएपछि आयोगले मुद्दा दायर गरेको हो। 

गिरीले बिहार संस्कृत शिक्षा बोर्ड पटनाबाट जारी भएको मध्यमा तहको झुट्टा शैक्षिक योग्यताको प्रमाणपत्र पेस गरी नेपाल प्रहरी सेवामा प्रहरी जवान पदमा मिति ११ फागुन ०५७ मा भर्ना भएका थिए । पदोन्नतिसमेत भई प्राविधिक प्रहरी सहायक निरीक्षक पदमा जिल्ला प्रहरी कार्यालय, सिन्धुली दरबन्दी भई प्रहरी चौकी ग्यालटार, सिन्धुलीको इन्चार्जको रूपमा कार्यरत रहेको उनीविरुद्ध विशेष अदालतमा मुद्दा दायर भएको हो।